عبدالرحمن أبوالسعد

مصمم ومطور مواقع إنترنت

المدونة

نصائح هامه لمصممي المواقع

نصائح هامه لمصممي المواقع

  • 1
  •  
  •  
  •  
  •  
  •  
  •  
  •  
    1
    Share
image

مُصمم مواقع

 استعن بالله قبل كل شيء واجتهد ، مش المهم انك تنفذ شغل والسلام، المهم انك تعمل شغل ممتاز ينال اعجاب العميل وفى نفس الوقت تتشرف بتنفيذه .

أوعى ترخص سعر شغلك، انت بتتعب وبتجتهد علشان تنال رضى العميل فحاول ارضاؤه بس بالأصول .

لما يكون فى عميل محتاج شغل، وفى عدد كبير من المصممين بيقدم علشان ينفذه أوعى تنزل سعر تنفيذه علشان بتقلل من قيمه زملاءك اللى فعلاً بيتعبوا .

أهم شيء لو عاوز تشتغل على نضيف، اعمل تصميم محترم أو اطلب من حد ينفذه واعمل اللى في التصميم وما تخرجش عنه نهائياً .

استعمل ملفات جافا حجمها خفيف لو هتعمل مثلاً «Slider» أو محتاج اضافه لموقعك، وكذلك ملفات «Css» .

بعد ما تخلص يا حبيب قلبى  تضغط ملفاتك دى علشان حجمها يبقى صغير، لأن ده بيقلل حجم الملف فبيساعد على الوصول الى ملفات الموقع بسرعه، وزى ما انت عارف النت فى مصر هنا حاجه تشرف .

وانت شغال نضف الكود بتاعك علشان دا بيساعدك بعدين لو حبيت تعدل على حاجه ، تلاقى الشغل تمام ونفسيتك مستريحه .

استخدام خطوط جوجل بقدر الإمكان من خلال الروابط الخاصه بجوجل وده لأنها أسرع وكمان خطوط كويسه جدا .

حاول تقلل من جوده الصور على قد ما تقدر بس ما تخليها تأثر على الصورة بشكل ملحوظ .

اذا كان من اللازم استخدام «Font Awesome» فياريت تستخدم رابط «CDN» الخاص به، لاتقم بدمج الخط الى ملفات الموقع .

 

أتمنى ان الملاحظات دى تساعدك ولو احتاجت حاجه أنا موجود ان شاء الله

Summary
Review Date
Reviewed Item
نصائح هامه لمصممي المواقع
Author Rating
51star1star1star1star1star