عبدالرحمن أبوالسعد

مصمم ومطور مواقع إنترنت

المدونة

كيف تختار من بين شركات البرمجه والتصميم لموقعك الجديد

كيف تختار من بين شركات البرمجه والتصميم لموقعك الجديد

  •  
  •  
  •  
  •  
  •  
  •  
  •  
  •  

السلام عليكم ورحمة الله وبركاته – (بالعامية المصرية)

كتير من العملاء بيفضل انه يبحث عن شركة كبيرة ومشهورة فى مجال الويب والتصميم والبرمجة، وفى بردو عملاء بيفضلوا انهم يختاروا شركة عادية مش شرط تكون مشهورة أو حتي شخص طبعا دا مش معناه انهم بيسترخصوا.

ولكن خلينا نتكلم عن بعض الأمور اللى تخليها فى عين الإعتبار بحيث انو انت تكون فاهم:

  • شركات كبيرة جدا وعندها عملاء يكرروا نفس التصميم لعملاء مختلفة على الرغم من انه يكون أحيانا فى اتفاق بين العميل والشركة، علي ان التصميم دا خاص بيك أنت، فلازم تأكد على الموضوع ده انو التصميم دا ما يكون متكرر.
  • الحاجه التانيه ان بعض الشركات مش بتكرر التصميم بس لا دي بتنسخ الموقع بالكامل مع تغيير الألوان وربما تلاقي موقعك ماشاء الله مصر كلها عامله زيه 😀 .
  • طالما هتدفع فلوس يبقي لازم يكون فى مقابل لأنو بردو من الحاجات السيئه جدا والحقيقة قابلتنا كتير العميل بعد ما خلص فعلا الموقع وكلمنا علشان محتاج تصميم جديد بيكون دفع مبلغ كبير فى تصميم سيء جدا، وكان ممكن أوى يعمل تصميم أفضل منه وبسعر أقل من السعر اللى دفعه، يبقي لازم ولابد تشوف أعمال الشركة فى حاجه قريبه من مجال موقعك يعنى سيادتك لو عاوز موقع رياضي تحاول تشوف أعمال الشركة فى المجال ولو ما لقيت ممكن تشوف الإخبارى أو أى حاجه قريبه من المجال ده.
  • بعض العملاء ماشاء الله بقوا خبره من كتر البهدلة من شركة لشركة ومن شخص لشخص، ياريت لو طلبت برمجه خاصه تبقي فاهم انو فى فرق كبير بين البرمجه الخاصه ود برمجه من الصفر عمل لوحه تحكم خاصه بموقعك وكل حاجه من الصفر، ولوحات التحكم وإدارة المحتوى ودى بتكون عن نظام كامل جاهز لإدارة محتوى موقعك زى موقعي ده وورد بريس أو جوملا او دروبال …إلخ.
  • لازم تبقى فاهم ان مفيش شركة تصميم الموقع بتاعك وخلاص على كدا، لازم تعرف بالضبط ما بعد الإنتهاء لأنو ربما يكون فى أخطاء أو طلبت تعديل بعد كدا، تبقي على نور.
  • لو موقعك كبير وكدا لازم لازم يكون فى عقد مكتوب بينكم وأى اتفاق يكون مكتوب فى العقد، حتى لو فى أى شيء يكون مكتوب أفضل ودى حاجه ما تزعل حد.
  • مش شرط ان الشركة دى مشهورة انها تكون أفضل أو كويسه لأننا عارفين ماشاء الله ناس مشهوره جدا ويا إما ملهاش أصلا أعمال محترمة أو كل شغلها نسخ متكررة ومتعدل عليها.
  • اتكلم فى ان الموقع يكون نضيف والملفات كلها أنا محتاجها، بما فيها التصميم ربما ما يعجبك الدعم أو الشغل مع الشركة مش عاجبك ممكن تحتاج الملفات تبعتها لشركه تانيه تتابع معاك.

الكلام ده ربما يحتمل الخطأ، لكنه صحيح وحقك ولازم تعرف كده.